المشاركات
أبو عين هربانة
مالك يا أبو عين هربانة وجميلة قوى وزعلانة
بتخبى ف جرحك ليه وبتقفل قلبك ليه
افتح للهوا شبابيكك افتح للشوق أيامك
سيب الأحزان هاتسيبك وافرح بقى وانسي ألامك
مالك يا أبو عين هربانة
باين ف عيونك فرحك والحزن برضه فيها
احكيلى ع اللي جارحك فرح أيامك فيها
لو ننسى الأحزان عمرها ما تفكر فينا
وتسيبنا نعيش ف أمان تملى الأفراح ليالينا
مالك يا أبو عين هربانة
فضفض بالسر وبوح سرك هايعيش ف الروح
والحزن هينسى أيامك ولا تبقى ف يوم مجروح
هات أيدك عدى الخوف واضحك خلينا نشوف
الضحكة بتملي عيونك يا أبو بسمة ترد الروح
اضحك يا أبو عين هربانة
يوسف نور
الأحد 15/7/2001
الساعة 6.30 مساءا
0 التعليقات:
إرسال تعليق